Ya sami-o-Ya-BaSiir...

hajuum-e-gham se jis dam aadmi ghabra sa jaata hai
to aise meN
use aavaaz pe qaabuu nahiiN rehta
voh itne zor se faryaad karta, chiikhta aur bilbilaata hai
k jaise voh zamiiN par aur Khuda ho aasmaanoN meN..

magar aisa bhii hota hai
k us kii chiikh kii aavaaz ke rukne se pehle hii
Khuda kuChh is qadar nazdiik se, aur is qadar
rehmat bhari muskaan se us ko thapakta aur us kii baat sunta hai
k faryaadi ko apni chiikh kii shiddat,
sada kii be_yaqiini par nadaamat hone lagti hai!!